مــنــتــدى الصــقـــر المـــصـــري أحمـد حســـن



 
البوابةالرئيسيةالفيديوهاتالصورالخلفيات س .و .جبحـثالأعضاءالمجموعاتالتسجيلالدردشه طلب صداقةدخول

شاطر | 
 

 مصطلحات شباب الجيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HeTlAr
صقر جديد
صقر جديد
avatar

عدد الرسائل : 28

العمر : 29
اللاعـــب المفضــل : ahmed hasan
نقاط : 0

تاريخ التسجيل : 10/09/2007

مُساهمةموضوع: مصطلحات شباب الجيل   الإثنين سبتمبر 24, 2007 9:26 pm

(1) أستمورننج
لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى "

(2) الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس

(3) أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن

(4) أديها جاز
عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر

(5) أختفى شوية
أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك

(6) أيه النظام
عبارة بمعنى أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال

-7- أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

(8) another stone
وتعنى بالروشنة " حجر أخر لشاربى الشيشة على المقاهى "

(9) أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

(10) إتم
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب

(11) أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

(12) إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق

(13) أتوبيس راجع بضهره
عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "

(14) أعلمه
وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "

(15) أنش
لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل

(16) أملئ التنك
عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام

(17) أمبلايز
مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة

(18) أشاعاتى
الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء

(19) أبجنى تجدنى
عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً ما يقولها الموظفين المرتشين او الشاب الذى لا يهمه إلا مصلحته دون الأخرين

(20) أنجز بالونجز
كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه

(21) أستك
مصطلح يعرفه التجار ويعنى الألف جنية

(22) أرنب
مصطلح شعبى بمعنى مليون جنية .... ويقسمه التجار ورجال الاعمال مثل " نصف أرنب " أى نصف مليون جنية والربع أرنب يعنى الربع مليون جنية اما الورك ارنب فهو المائة الف جنية

(23) أخلع دلوقتى
عبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع دلوقتى ورايا شغل " أى امشى الان ونتكلم مره اخرى فلدى ما اهتم به غيرك

(24) أتزرع هنا
بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى " أى لا تترك مكانك أو موقعك حتى أعود إليك مهما كانت الأسباب

(25) أعلن فرارى
عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحديث

(26) أتارى
مصطلح يطلق علي السيارات الخفيفة ، لانها تشبه السيارات في العاب الفيديو جيم او الاتارى ، مثل " سياره الشرطه " ويقولوها المدمنين " اجرى يالا عربية الاتارى جاية "

(27) أيه الحياة ؟
سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى

(28) أخلع فرد
عباره مأخوذه من لسان شاب جزمجى ، وتفيد معنى ان من نتكلم عنه قادم

(29) أحنا اللى بهيظنا الفهايص
عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "

(30) أبو الغضب
اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره

(31) أوزى
لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك

(32) أنتر
مصطلح مشتق من الكلمه الانجليزية Enter وهو زر إدخال البيانات في الكمبيوتر ولكنه يأتى بمعنى " لا يعيش له سر او فاضح لاسرار الاخرين " او لديه استعداد للاستدراج في الحديث

(33) أيه البواخه ديه
عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو

(34) أدعك الفانوس
عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد

(35) أنزل من ع المسرح يا نجم
عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

(36) إنسانى وخد عنوانى
عبارة تفيد عدم المشاركة في اى احداث قادمة او معاصره لموقف معين ، مثل " تحب تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد انصرافى وسوف تجدونى وقت الحاجه مره اخرى

(37) أنف
الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية

(38) أهرش
لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية

(39) أنزل من علي ودنى
عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

(40) أوكشه
وهى الفتاه الباهره الجمال او التى تستحق ان يطلق عليها كله " أنثى "

(41) أنتخ
لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف

(42) أشتغله
اى اكله البلوظه او اكذب عليه او اخدعه او استهبل عليه وتقال " انت بتشتغلنى "

(43) أينح
لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف

(44) أوجو
مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

(45) أدرجى
لفظ يطلق علي محترف الصياعه او " لافف " ويقال انت شاب أدرجى في السوق ، اى بارع في التجارة وتفهم الكثير من خبايا الامور واحيانا تقال للشاب ذات العلاقات النسائية المتعددة

(46) أيحه
لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

(47) أشايك
مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر

(48) أرحلك
إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات

(49) أنت هركليز
عبارة استخفاف تقال للشاب الذى يرى نفسه بطل او المتظاهر بالقوه

(50) أرقدلك
تهديد صريح بالشر ، والترقيد هى النية المبيتة بالشر او الإيذاء

(51) اقعدلى في حته ناشفه
جملة سخرية توجه للشاب الاهبل او الذى يخطئ في الكلام كالأطفال حين يتبولون علي انفسهم علي اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى )

(52) أحط عليك
عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً

(53) انت من الكفار
عبارة بمعنى " انت من الاعداء " أى الذى كفر بمبادئ الشله وعهودها والتزاماتها الوشنية ، مثال " مش جاى الديسكو النهارده ؟ فيقول لا .. فيردوا عليه ويقولوا - انت بقيت من الكفار اى المنشقين عنا

(54) أفتكس
كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه

(55) إستوك .. بيتوك
مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سما/عاشقة عبد الوهاب
صقر فضى
صقر فضى
avatar

انثى
عدد الرسائل : 927

العمر : 35
مكان تواجـــدك : القاهرة
الحالة : عاشقة للاهلى
اللاعـــب المفضــل : محمد عبد الوهاب*رحمه الله*وابو تريكة وأحمد حسن والاهلى كله
نقاط : 15

تاريخ التسجيل : 16/09/2007

مُساهمةموضوع: رد: مصطلحات شباب الجيل   الثلاثاء سبتمبر 25, 2007 1:46 am

ههههههههههههههههههههههه

يا خبررررررررررر

ده قاموووووووووس متحرك............................
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RADWA5
صقر ملكي
صقر ملكي
avatar

انثى
عدد الرسائل : 3017

العمر : 24
اللاعـــب المفضــل : احمد السيد
المزاج :
الجنسية :
نقاط : 20

تاريخ التسجيل : 08/04/2007

نقاط التمييز
نقاط التمييز: 1

مُساهمةموضوع: رد: مصطلحات شباب الجيل   الثلاثاء سبتمبر 25, 2007 4:21 pm

طيب المفروض كل يوم نحفظ اتنين و نمتحن فى الاخر
بس اللى مالف الموضوع ده ازاى يعنى حافظهم و عارف استخدامهم محسسنى ان هو اللى الفهم و طبعهم فى كتاب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
توتة احم
زائر



مُساهمةموضوع: رد: مصطلحات شباب الجيل   الأربعاء سبتمبر 26, 2007 2:24 am

هههههههههههههههههه ميرسى خاالص بس كلام عجيب جداااااا
الرجوع الى أعلى الصفحة اذهب الى الأسفل
شيماء عامر
صقر ذهبي
صقر ذهبي
avatar

انثى
عدد الرسائل : 1765

العمر : 26
مكان تواجـــدك : منتدى احمد حسن ومنتدى تامر حسنى
الحالة : ممتازه
اللاعـــب المفضــل : احمد حسن - كريستيانو رونالدو
المزاج :
نقاط : 0

تاريخ التسجيل : 20/07/2007

مُساهمةموضوع: رد: مصطلحات شباب الجيل   الأربعاء سبتمبر 26, 2007 4:08 pm

هههههههههههههههههههههههههههههههههههههههه
ايه العبط اللى الشباب بيقوله ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.withme.us
Maryam Abo Elinin
صقر ذهبي
صقر ذهبي
avatar

انثى
عدد الرسائل : 2127

العمر : 93
مكان تواجـــدك : sure at home
الحالة : الحمدلله
اللاعـــب المفضــل : Abo Treka - AhamedHassan-hosny - Met3ab
المزاج :
الجنسية :
نقاط : 295

تاريخ التسجيل : 19/06/2007

نقاط التمييز
نقاط التمييز: 4

مُساهمةموضوع: رد: مصطلحات شباب الجيل   الأربعاء سبتمبر 26, 2007 4:37 pm

السلام عليكم
ههههههههههههههههههههههههههههههههههههههه
رووووعة شكرا ليكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ma7m0d
المدير العامالمدير العام
avatar

ذكر
عدد الرسائل : 2837

العمر : 25
مكان تواجـــدك : الكويت (مغاغه)
اللاعـــب المفضــل : احـمـد حـسـن
نقاط : 764

تاريخ التسجيل : 01/02/2007

نقاط التمييز
نقاط التمييز: 1
مُساهمةموضوع: رد: مصطلحات شباب الجيل   الأربعاء سبتمبر 26, 2007 10:35 pm

ههههههههه
جامد يا احمد
:hhh:

_________________

♥بــــحــــبـــــكـــ يآ مــصـــر♥



♥ مــــصـــــري و آفــتـــخــــر♥

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.frbb.net
saly
صقر فضى
صقر فضى
avatar

انثى
عدد الرسائل : 1291

العمر : 25
مكان تواجـــدك : في وحدة علاج الزاهايمار
الحالة : مجنونة جدا
اللاعـــب المفضــل : أحمد حسن و أبو تريكة
المزاج :
الجنسية :
نقاط : 30

تاريخ التسجيل : 06/08/2007

نقاط التمييز
نقاط التمييز: 0

مُساهمةموضوع: رد: مصطلحات شباب الجيل   الجمعة سبتمبر 28, 2007 2:33 am

:lol: رائع جدا :lol: :[IMG]http://sm

نفسي أعرف مييييييييييييييييين اللي بيألف الكلام ده كله ويعلمه للناس

:[img]http://ww
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
M.dark
صقر جديد
صقر جديد
avatar

عدد الرسائل : 15

اللاعـــب المفضــل : أبوتريكة - أحمد حسن
نقاط : 0

تاريخ التسجيل : 21/09/2007

مُساهمةموضوع: رد: مصطلحات شباب الجيل   الجمعة سبتمبر 28, 2007 2:21 pm


(39) أنزل من علي ودنى
عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

:hhh:
جامدة يا هدلر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HeTlAr
صقر جديد
صقر جديد
avatar

عدد الرسائل : 28

العمر : 29
اللاعـــب المفضــل : ahmed hasan
نقاط : 0

تاريخ التسجيل : 10/09/2007

مُساهمةموضوع: رد: مصطلحات شباب الجيل   الأحد سبتمبر 30, 2007 2:29 pm

شكرا ليكم على ردودكم يا جماعة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ayoya
صقر ذهبي
صقر ذهبي
avatar

انثى
عدد الرسائل : 1576

العمر : 25
نقاط : 29

تاريخ التسجيل : 02/02/2007

نقاط التمييز
نقاط التمييز: 0

مُساهمةموضوع: رد: مصطلحات شباب الجيل   الأربعاء أكتوبر 10, 2007 9:29 pm

فى كلام كتير بقوله زى احلق وانزل من على ودنى واخلع وازبهل وكلمه ايه النظا دى قدمت اوى والناس بلوا يقولوا انما الكلام الباقى ده اول مره اسمع عنه


افادكم الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HeTlAr
صقر جديد
صقر جديد
avatar

عدد الرسائل : 28

العمر : 29
اللاعـــب المفضــل : ahmed hasan
نقاط : 0

تاريخ التسجيل : 10/09/2007

مُساهمةموضوع: رد: مصطلحات شباب الجيل   الأربعاء أكتوبر 10, 2007 11:52 pm

شكرا على ردك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سما الحياه
صقر شغااااااال
صقر شغااااااال
avatar

انثى
عدد الرسائل : 137

العمر : 31
مكان تواجـــدك : (مصر) القاهره
الحالة : طالبه
اللاعـــب المفضــل : عماد متعب
نقاط : 0

تاريخ التسجيل : 28/09/2007

مُساهمةموضوع: رد: مصطلحات شباب الجيل   السبت أكتوبر 20, 2007 9:21 pm

بجد كلام تافه بس للاسف انا عارفاه كله من اصدقائى فى المعهد بس عمرى ما قولته
ولكن عشان لما ادخل فى حوار مبقاش انتيخه وا عرف اتعامل معاهم
يلا مش مشكله ادى الواحد بيعرف لغه جديده بردوا ههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fars
صقر جامد
صقر جامد
avatar

ذكر
عدد الرسائل : 282

العمر : 25
مكان تواجـــدك : فى الدنيا
الحالة : كنت زهقان و اتبسط
اللاعـــب المفضــل : barakat
نقاط : 0

تاريخ التسجيل : 12/07/2007

نقاط التمييز
نقاط التمييز: 0

مُساهمةموضوع: رد: مصطلحات شباب الجيل   الخميس أكتوبر 25, 2007 9:59 pm

كوووول يا مااااااااااان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Ma7m0d
المدير العامالمدير العام
avatar

ذكر
عدد الرسائل : 2837

العمر : 25
مكان تواجـــدك : الكويت (مغاغه)
اللاعـــب المفضــل : احـمـد حـسـن
نقاط : 764

تاريخ التسجيل : 01/02/2007

نقاط التمييز
نقاط التمييز: 1
مُساهمةموضوع: رد: مصطلحات شباب الجيل   الجمعة أكتوبر 26, 2007 12:32 am

fars كتب:
كوووول يا مااااااااااان
:koo:beautiful

_________________

♥بــــحــــبـــــكـــ يآ مــصـــر♥



♥ مــــصـــــري و آفــتـــخــــر♥

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.frbb.net
crazy girl
صقر جديد
صقر جديد


انثى
عدد الرسائل : 19

العمر : 23
الحالة : بت جريأة ومبتخافش من الحكومة
اللاعـــب المفضــل : Daived beckham
نقاط : 0

تاريخ التسجيل : 14/02/2008

مُساهمةموضوع: رد: مصطلحات شباب الجيل   السبت مارس 01, 2008 9:15 pm

ميرسى اوى يا عم هتلر
يا رب دايما كده تظبط الشباب بالكلام الجامد ده
وبعدين انت باين عليك واد روش طحن ومظبط ومنفض وملكش فى الحوارات والتفاهات
بس فى الاخر ميرسى
وكده اوكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
crazy girl
صقر جديد
صقر جديد


انثى
عدد الرسائل : 19

العمر : 23
الحالة : بت جريأة ومبتخافش من الحكومة
اللاعـــب المفضــل : Daived beckham
نقاط : 0

تاريخ التسجيل : 14/02/2008

مُساهمةموضوع: رد: مصطلحات شباب الجيل   السبت مارس 01, 2008 9:16 pm

ميرسى اوى يا عم هتلر
يا رب دايما كده تظبط الشباب بالكلام الجامد ده
وبعدين انت باين عليك واد روش طحن ومظبط ومنفض وملكش فى الحوارات والتفاهات
بس فى الاخر ميرسى
وكده اوكى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
>$.real love.$<
صقر فضى
صقر فضى
avatar

ذكر
عدد الرسائل : 1257

العمر : 26
مكان تواجـــدك : اينما وجدت حبيبتى
الحالة : واقع لشوشتى فى الحب
اللاعـــب المفضــل : ميسي وابو تريكه والصقر المصرى
المزاج :
نقاط : 0

تاريخ التسجيل : 23/02/2007

نقاط التمييز
نقاط التمييز: 0

مُساهمةموضوع: رد: مصطلحات شباب الجيل   الإثنين مارس 03, 2008 2:46 pm

احم احم احم

ميرسي يا باشا على التوبك الرائع دا

تشاو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.withme.us
 
مصطلحات شباب الجيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــدى الصــقـــر المـــصـــري أحمـد حســـن :: كافيه احمد حسن :: قسم الشباب الروش-
انتقل الى: