مــنــتــدى الصــقـــر المـــصـــري أحمـد حســـن



 
البوابةالرئيسيةالفيديوهاتالصورالخلفيات س .و .جبحـثالأعضاءالمجموعاتالتسجيلالدردشه طلب صداقةدخول

شاطر | 
 

 الحياة الجامعية الجديدة (1) اللبس والشكل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
توتة احم
زائر



مُساهمةموضوع: الحياة الجامعية الجديدة (1) اللبس والشكل   الجمعة سبتمبر 07, 2007 6:16 am


كل سنة وكل الطلاب بألف خير

كلها كام يوم ويبدأ العام الدراسي الجديد..

وطبعا فيه ناس السنة دي مهمة جدا جدا بالنسبة ليهم
وده طبعا لأن السنة دي هي أول سنة ليهم في الجامعة..

يعني زي ما بيقولوا كده "سنة أولى جامعة"...

فطبعا بتقابلهم مشاكل كتير قوي....

علشان كده..
قررنا إننا نكون معاهم النهارده

نتكلم عن كل مشاكلهم..
ونقدم لهم النصائح المفيدة اللي تساعدهم على تحقيق التفوق الدراسي.
طبعا اللبس والشكل هو أول مشكلة ممكن إنها تقابل البنت أو الشاب المقبلين على الحياة الجامعية الجديدة..
بيحسوا إنهم متلخبطين ومش عارفين يلبسوا إيه وعايزين لما ينزلوا يشتروا لبس الجامعة يجيبوا كل حاجة ممكن إنها تقابلهم من غير ما يفكروا أو يسألوا نفسهم السؤال المهم: إيه هو اللبس المناسب للجامعة؟
وكمان فيه ناس تانيين عايزين يغيروا شكلهم اللي كانوا عليه في ثانوي فما بيصدقوا يدخلوا الجامعة ويقلدوا النجوم، يعني مثلا تلاقي الولد عمل تسريحة "تامر حسني" والبنت عاملة مكياج "نانسي عجرم" من غير ما يفكروا في الشكل المناسب اللي المفروض يدخلوا بيه الجامعة...
طبعا بتسألوا نفسكم دلوقتي وتقولوا إيه ده؟ هو معقول فيه لبس وشكل محدد للطالب أو الطالبة الجامعية المفروض إنهم يروحوا بيه الجامعة؟ طيب ما تقولوا لنا عليه يا جماعة لأننا بصراحة مش عارفين والناس قالت لنا إن الجامعة فيها حرية في كل حاجة..
علشان كده هنعرف مع بعض دلوقتي إيه هو اللبس والشكل المناسب للبنت أو الشاب الجامعي
بالنسبة للشباب


طبعا لبس الشباب مافيش أسهل منه، كل الحكاية بنطلون قماش أو جينز وتي شيرت أو قميص، بس برضه فيه شوية حاجات لازم تاخدوا بالكم منها لزوم الشياكة وهي:

1- إنك لو هتلبس بنطلون قماش يبقى بلاش تلبس عليه تي شيرت والبس عليه قميص عادي والعكس طبعا بنطلون جينز على تي شيرت.
2- بلاش موضوع الاسبايكي ده وإنت رايح الجامعة لأنه بيدي انطباع إنك طالب مستهتر... ولو بتحب الاسبايكي قوي يبقى اعمله وإنت رايح النادي أو وإنت خارج مع أصحابك.
3- تاني حاجة ياريت تاخدوا بالكم منها هي إنكم ماتمشوش وراء الموضة اللي موجودة في السوق واختاروا اللبس المناسب حتى لو كان مش موضة لأنه ممكن يكون أحسن ويخليك متميز عن باقي زملائك.

وخدوا بالكم
مش شرط أبدا تشتروا حاجات غالية علشان تكونوا شيك بل على العكس فيه حاجات رخيصة وشيك جدا وعلى فكرة ألف باء شياكة هي "البساطة في اللبس".

وبلاش تقعوا في الخطأ اللي بيقع فيه طلاب كتير وهو إنهم بيكتروا من شراء الملابس الصيفية بالرغم من إن الفصل الدراسي الأول مش بيكون أكتر من شهرين فقط وباقي السنة بتكون شتاء، علشان كده ياريت ماتكتروش من شراء الملابس الصيفية على حساب الملابس الشتوية..
واوعوا تنسوا إن الصيف بيحب الألوان الفاتحة والشتاء بيحب الألوان الغامقة..
ودي مجموعة من الملابس
اللي هتساعدك في الاختيار
منقوول
الرجوع الى أعلى الصفحة اذهب الى الأسفل
Ma7m0d
المدير العامالمدير العام
avatar

ذكر
عدد الرسائل : 2837

العمر : 25
مكان تواجـــدك : الكويت (مغاغه)
اللاعـــب المفضــل : احـمـد حـسـن
نقاط : 764

تاريخ التسجيل : 01/02/2007

نقاط التمييز
نقاط التمييز: 1
مُساهمةموضوع: رد: الحياة الجامعية الجديدة (1) اللبس والشكل   الجمعة سبتمبر 07, 2007 2:47 pm

انا لسه قدامي 4 سنين Very Happy

_________________

♥بــــحــــبـــــكـــ يآ مــصـــر♥



♥ مــــصـــــري و آفــتـــخــــر♥

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.frbb.net
توتة احم
زائر



مُساهمةموضوع: رد: الحياة الجامعية الجديدة (1) اللبس والشكل   الجمعة سبتمبر 07, 2007 2:56 pm

MaHmOuD كتب:
انا لسه قدامي 4 سنين Very Happy

ربناا معاك يا محمود Very Happy
الرجوع الى أعلى الصفحة اذهب الى الأسفل
شيماء عامر
صقر ذهبي
صقر ذهبي
avatar

انثى
عدد الرسائل : 1765

العمر : 26
مكان تواجـــدك : منتدى احمد حسن ومنتدى تامر حسنى
الحالة : ممتازه
اللاعـــب المفضــل : احمد حسن - كريستيانو رونالدو
المزاج :
نقاط : 0

تاريخ التسجيل : 20/07/2007

مُساهمةموضوع: رد: الحياة الجامعية الجديدة (1) اللبس والشكل   السبت سبتمبر 22, 2007 3:42 pm

موضوع جميل يا توته بس متهيالى البس الكاجول افضل بالنسبه للى لسه داخل الجامعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahmedhassan.withme.us
 
الحياة الجامعية الجديدة (1) اللبس والشكل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنــتــدى الصــقـــر المـــصـــري أحمـد حســـن :: كافيه احمد حسن :: قسم الشباب الروش-
انتقل الى: